बजेट भाषण : करदातालाई ठूलो राहत !

काठमाडौं । सरकारले मध्यमवर्गलाई राहत दिने उद्देश्यसहित व्यक्तिगत आयकरमा परिवर्तन गरेको छ । अर्थमन्त्रीले आगामी आर्थिक वर्षको बजेटमार्फत आयकर छुटको सीमा दोब्बर बढाएर १० लाख रुपैयाँ पुर्‍याउने घोषणा गरेका हुन् ।

साथै, व्यक्तिगत आयकरको अधिकतम दरलाई १० प्रतिशत विन्दुले घटाइएको छ। बजेटमा प्राकृतिक व्यक्तिको मृत्यु पश्चात् हुने अंशबन्डा, अस्वाभाविक निष्कर्ष तथा निकायमा हुने स्वामित्व परिवर्तनका कारण नियन्त्रणकारी निकायमा हुने स्वामित्व परिवर्तनमा आयकर ऐन २०५८ को दफा ५७ आकर्षित नहुने व्यवस्था पनि गरिएको छ ।

अर्थमन्त्रीले औद्योगिक क्षेत्रलाई पनि सहुलियत दिँदै ७३ प्रकारका औद्योगिक कच्चा पदार्थमा भन्सार दर घटाइएको जानकारी दिए। त्यस्तै, हाल कायम ११ तहका भन्सार दरलाई घटाएर ७ तहमा सीमित गरिएको छ ।

“मध्यमवर्ग विस्तार र आर्थिक गतिविधि चलायमान बनाउन कर प्रणालीलाई थप सहज बनाइएको हो,” अर्थमन्त्रीले संसदमा बजेट प्रस्तुत गर्दै भने ।