विपक्षीको अवरोधपछि प्रतिनिधिसभा बैठक सूचना टाँसेर स्थगित

काठमाडाैँ । प्रतिनिधिसभाको बैठक भोलि (मंगलबार) सम्मका लागि स्थगित गरिएको छ । सोमबार दिउँसो १५ मिनेटका लागि स्थगित गरिएको बैठक सूचना टाँस गरी मंगलबारसम्मका लागि सारिएको संघीय संसद् सचिवालयले जनाएको छ ।

प्रधानमन्त्री बालेन शाहले केही दिनअघि प्रतिनिधिसभामा सम्बोधनका क्रममा नेपालले पनि भारतको केही भूमि अतिक्रमण गरेको आशयको अभिव्यक्ति दिएपछि विपक्षी दलहरूले संसद् अवरुद्ध गर्दै आएका छन् ।

विपक्षी दलहरूले प्रधानमन्त्रीले संसद्मै उपस्थित भएर आफ्नो भनाइ सच्याउनुपर्ने माग राख्दै बैठक सञ्चालनमा अवरोध जारी राखेका छन् ।