मन्त्रिपरिषद् विस्तार : उद्योगमा गौरीकुमारी यादव र श्रममा रामजी यादव नियुक्त

काठमाडाैँ । प्रधानमन्त्री वालेन्द्र शाहले मन्त्रिपरिषद् विस्तार गरेका छन् ।

प्रधानमन्त्री शाहले उद्योग, वाणिज्य तथा आपूर्ति मन्त्रीमा गौरीकुमारी यादव र श्रम, रोजगार तथा सामाजिक सुरक्षा मन्त्रीमा रामजी यादवलाई नियुक्त गरेका हुन् ।

​नवनियुक्त दुवै मन्त्री राष्ट्रिय स्वतन्त्र पार्टी (रास्वपा) का सांसद हुन् । उनीहरूले आजै राष्ट्रपति भवनमा आयोजित एक समारोहबिच राष्ट्रपतिसमक्ष पद तथा गोपनीयताको शपथ लिने कार्यक्रम छ ।

प्रधानमन्त्री शाहले बिहीबार श्रम, रोजगार तथा सामाजिक सुरक्षामन्त्री दीपककुमार साहलाई मन्त्री बनेको १४ औँ दिनमा पदीय मर्यादाको दुरुपयोग गरेको भन्दै पदबाट बर्खास्त गरेका थिए ।

उद्योग मन्त्रालय भने अहिलेसम्म खाली थियो ।

यससँगै अब मन्त्रिपरिषद १६ सदस्यीय बन्न पुगेको छ । रक्षा मन्त्रालय भने प्रधानमन्त्री शाहले आफैंसँग राखेका छन् ।