विशेष अदालतको अध्यक्षमा बासुदेव आचार्य सिफारिस, एकैपटक २१२ न्यायाधीशको सरुवा (सूचिसहित)

काठमाडौँ । न्यायपरिषद्ले एकैपटक २ सय बढी न्यायाधीशहरुकाे सरुवाका लागि नेपाल सरकारसमक्ष सिफारिस गर्ने निर्णय गरेकाे छ ।

परिषद्को असार ३२ गते बसेको बैठकले उच्च अदालत तर्फ ५० जना, जिल्ला तर्फ १५७ जना, न्यायाधीकरण तर्फ ३ जना, विशेषा अदालत १ र श्रम अदालतमा १ जनाकाे सरुवा सिफारिस गर्ने निर्णय गरेकाे हाे ।

निर्णयअनुसार उच्च अदालत पाटन, जनकपुर, पोखरा, तुलसीपुर, विराटनगर, सुर्खेत, दिपायल, वीरगञ्ज र अन्य उच्च अदालतहरूका विभिन्न न्यायाधीशहरूको अन्तरअदालत सरुवा सिफारिस गरिएको छ । केही न्यायाधीशलाई विशेष अदालत तथा केहीलाई विभिन्न उच्च अदालतमा जिम्मेवारी परिवर्तनका लागि सिफारिस गरिएको परिषद्को निर्णयमा उल्लेख छ ।

बैठकले विशेष अदालतको अध्यक्षमा उच्च अदालत तुलसीपुरका न्यायाधीश बासुदेव आचार्यलाई नियुक्तिका लागि नेपाल सरकारसमक्ष सिफारिस गर्ने निर्णय गरेको छ । भने विशेष अदालतका अध्यक्ष सुदर्शनदेव भट्टलाई उच्च अदालत सुर्खेतमा सरुवा सिफारिस गर्ने निर्णय पनि गरेको छ । भट्ट गत भदौदेखि विशेष अदालतको अध्यक्षका रूपमा कार्यरत थिए ।

न्यायपरिषद्को निर्णय कार्यान्वयनका लागि नेपाल सरकारसमक्ष पठाइनेछ । सरकारको स्वीकृतिपछि सिफारिसअनुसार नियुक्ति र सरुवा प्रक्रिया अगाडि बढ्नेछ ।

हेर्नुहाेस् काे काे कहाँ सरुवा सिफारिस भए :