शुक्रबार सर्वोच्चमा २१५ पेसी, १०० मुद्दाको फैसला

काठमाडौं । सर्वोच्च अदालतमा शुक्रबार १४ जना न्यायाधीशको इजलासबाट २१५ वटा मुद्दाको पेसी तोकिएकोमा १०० वटा मुद्दाको फैसला भएको छ ।

अदालतको दैनिक तथ्याङ्कअनुसार आज ५५ वटा मुद्दामा विभिन्न प्रकृतिका आदेश जारी भएका छन् । यस्तै, २५ वटा मुद्दा स्थगित भएका छन् भने २६ वटा मुद्दा हेर्न नभ्याइने सूचीमा परेका छन् । साथै ९ वटा मुद्दा भने हेर्न नमिल्ने अवस्थामा परेका छन् ।

सर्वोच्च अदालतमा पछिल्लो समय मुद्दा फर्स्योटको गति बढाउने प्रयास गरेकाे बताएकाे छ । नियमित इजलास सञ्चालनसँगै फैसला र आदेशको संख्या बढ्दै जाँदा अदालतमा थन्किएका मुद्दा घटाउने प्रयासले निरन्तरता पाएको अदालत प्रशासनकाे बुझाइ छ ।