म्यागङ गाउँपालिकाका आईटी अधिकृत एक लाख घुससहित पक्राउ

काठमाडौँ । अख्तियार दुरुपयोग अनुसन्धान आयोगले नुवाकोटको म्यागङ गाउँपालिकाका सूचना प्रविधि अधिकृत बिरेन्द्र तामाङलाई एक लाख रुपैयाँ घुस लिइरहेको अवस्थामा नियन्त्रणमा लिएको छ ।  

आयोगका अनुसार तामाङले भुक्तानी रकमको कमिसन माग्दै सेवाग्राहीलाई पटक-पटक दुःख हैरानी दिई घुस/रिसवत माग गरिरहेको सूचना र उजुरीका आधारमा अनुसन्धान सुरु गरिएको थियो। आयोगबाट खटिएको टोलीले निजलाई सेवाग्राहीबाट १ लाख घुस लिइसकेको अवस्थामा काठमाडौँ  महानगरपालिका वडा नं. १६ बालाजुबाट मिति २०८३ साउन १८ गते नियन्त्रणमा लिएको हो ।  

घुससहित पक्राउ परेका तामाङलाई विशेष अदालतको आदेशबाट घुस/रिसवत भ्रष्टाचार मुद्दामा म्याद थप गरी अनुसन्धान प्रक्रिया अगाडि बढाइएको आयोगले जनाएको छ ।  

हेर्नुहोस् विज्ञप्ति –