ल क्याम्पसमा एल.एल.बी.को निःशुल्क तयारी कक्षा, अनलाइनबाट पनि पढ्न मिल्ने

काठमाडौं । एल.एल.बी.को प्रवेश परीक्षा तयारी गरिरहेका विद्यार्थीलाई मध्यनजर गर्दै नेपाल विद्यार्थी संघ (ने.वि. संघ), नेपाल ल क्याम्पसले यस वर्ष पनि निःशुल्क तयारी कक्षा सञ्चालनमा ल्याएको छ । नेवि संघले विगतका वर्षहरूमा जस्तै वैशाख ४ गते शुक्रबारदेखि कक्षा सञ्चालन गरिरहेको कार्यक्रम संयोजक प्रधुमन सिंह राजपुतले जानकारी दिए ।

उनका अनुसार, “हामीले पछिल्लो १०–१२ वर्षदेखि निरन्तर रूपमा निःशुल्क कक्षा सञ्चालन गर्दै आएका छौँ । यस वर्ष पनि भौतिक र अनलाइन दुवै माध्यमबाट कक्षा सञ्चालन गरिएको छ । भौतिक कक्षा लिन चाहने विद्यार्थीहरूले ल क्याम्पसमै उपस्थित हुनुपर्छ भने उपस्थित हुन नसक्नेहरूले अनलाइन कक्षा लिन सक्नेछन् ।”

ल क्याम्पसका नेवि संघ सचिवसमेत रहेका संयोजक राजपुतका अनुसार भौतिक कक्षा हरेक दिन बिहान ७ बजेदेखि र अनलाइन कक्षा बेलुका ७ बजेदेखि सञ्चालन भइरहेको छ । प्रवेश परीक्षाको तयारी गरिरहेका विद्यार्थीका लागि हरेक शनिबार मोक टेस्ट सञ्चालन गरिनेछ भने ५ हजारभन्दा बढी एमसीक्यू अभ्यास गराइनेछ । साथै आवश्यक नोट तथा अध्ययन सामग्रीसमेत उपलब्ध गराइने आयोजकको भनाइ छ ।

निःशुल्क कक्षा लिन इच्छुक विद्यार्थीहरूले कार्यक्रम संयोजक राजपुतलाई ९८१६२३२०२४ मा सम्पर्क गर्न वा Whatsapp ग्रुप मार्फत जाेडिन सक्नेछन् ।

सूचना पनि हेर्नुहाेस् :

याे पनि : 

• ल क्याम्पसमा अनेरास्ववियुकाे पनि छुट्टै निःशुल्क एल.एल.बी. तयारी कक्षा