न्याय परिषदका सचिव थपलिया सुर्खेत उच्च अदालतको न्यायाधीशमा सिफारिस

काठमाडौँ । न्याय परिषदका सचिव जितेन्द्र बाबु थपलिया सुर्खेत उच्च अदालत जुम्ला इजलासको न्यायाधीशमा सिफारिस भएका छन् ।

मंगलबार बसेको न्याय परिषदको बैठकले सचिव थपलियालाई उच्च अदालतको न्यायाधीशमा सिफारिस गर्ने निर्णय गरेको परिषदका प्रवक्ता एवं सहसचिव रामप्रसाद भट्टराईले जानकारी दिए ।

त्यस्तै, गत बैशाख १० गते बसेको न्याय परिषदको बैठकले सर्वोच्च अदालतको संवैधानिक इजलासको समूह (प्यानल) मा तीन जना न्यायाधीशको नाम थप गर्ने निर्णय गरेको छ ।

कायम मुकायम प्रधानन्यायाधीश सपना प्रधान मल्लको अध्यक्षतामा बसेको बैठकले सर्वोच्च अदालतका न्यायाधीश अब्जुल अजिज मुसलमान, महेश शर्मा पौडेल र टेकप्रसाद ढुंगानाको नाम संवैधानिक इजलासको प्यानलमा थप गरेको हो ।

प्रधान न्यायाधीशको अध्यक्षता रहने न्याय परिषदको सदस्यमा कानूनमन्त्री सोविता गौतम, बरिष्ठतम न्यायाधीश कुमार रेग्मीका साथै महेश कुमार नेपाल र दामोदर खड्का सदस्य रहेका छन् ।

बरिष्ठ अधिवक्ता नेपाल प्रधानमन्त्रीको सिफारिसमा राष्ट्रपतिद्वारा नियुक्त सदस्य हुन् भने अर्का सदस्य एवं बरिष्ठ अधिवक्ता दामोदर खड्का नेपाल बारको सिफारिसमा न्यायपरिषको सदस्य बनेका हुन् ।

यो पनि-

न्याय परिषद् के हो ? कहिलेदेखि सञ्चालनमा आयो ?