राष्ट्रपतिबाट सहकारीसम्बन्धी अध्यादेश जारी

काठमाडौँ । राष्ट्रपति कार्यालयले सहकारी क्षेत्रसँग सम्बन्धित अध्यादेश जारी गरेको छ ।

सम्माननीय राष्ट्रपति रामचन्द्र पौडेलले नेपालको संविधानको धारा ११४ को उपधारा (१) बमोजिम नेपाल सरकार, मन्त्रिपरिषद्को सिफारिसमा ‘सहकारी (पहिलो संशोधन) अध्यादेश, २०८३’ जारी गरेका हुन् ।

राष्ट्रपति कार्यालयद्वारा जारी विज्ञप्तिअनुसार उक्त अध्यादेश आजैदेखि लागू हुने गरी जारी गरिएको उल्लेख छ।

अध्यादेशमार्फत सहकारी क्षेत्रको नियमन, व्यवस्थापन र सुधारका लागि आवश्यक कानुनी व्यवस्था थप सुदृढ गर्ने अपेक्षा गरिएको छ । पछिल्लो समय सहकारी क्षेत्रमा देखिएका समस्या तथा सुधारको मागलाई सम्बोधन गर्ने उद्देश्यले सरकारको सिफारिसमा अध्यादेश ल्याइएको जनाइएको छ ।