संसद अधिवेशन वैशाख २८ गतेदेखि आह्वान गर्न राष्ट्रपतिसमक्ष सिफारिस

काठमाडौँ । सरकारले सङ्घीय संसद्को दुवै सदनको अधिवेशन वैशाख २८ गते आह्वान गर्न राष्ट्रपतिसमक्ष सिफारिस गरेको छ ।

प्रधानमन्त्री तथा मन्त्रिपरिषद्को कार्यालय सिंहदरबारमा मंगलबार बसेको बैठकले वैशाख २८ गते दिउँसो २ बजेका लागि संसद्को दुवै सदनको अधिवेशन आह्वान गर्न राष्ट्रपतिसमक्ष सिफारिस गर्ने निर्णय गरेको सरकारका प्रवक्ता एवं शिक्षामन्त्री सस्मित पोखरेलले सञ्चारकर्मीलाई जानकारी दिए ।

यसअघि सरकारले वैशाख १७ गते संसद अधिवेशन आह्वानको सिफारिस गरेर स्थगित गरेको थियो ।

बीचमा विभिन्न अध्यादेशहरु ल्याइसकेर सरकारले संसद अधिवेशन बोलाउने निर्णय गरेको हो ।