सर्वोच्चका न्यायाधीश श्रेष्ठलाई बोनम्यारो क्यान्सर

काठमाडौं । सर्वोच्च अदालतका माननीय न्यायाधीश तिलप्रसाद श्रेष्ठलाई बोनम्यारो क्यान्सर भएको छ । श्रेष्ठ हाल भारतको नयाँ दिल्लीस्थित राजिव गान्धी क्यान्सर इन्स्टिच्युट एन्ड रिसर्च सेन्टरमा उपचाररत रहेका छन् ।

न्यायपालिका अधिकृत समाजले मंगलबार एक सूचना जारी गर्दै न्यायाधीश श्रेष्ठ गम्भीर स्वास्थ्य समस्यासँग संघर्षरत रहेको जनाएको हो । सूचनामा न्याय सम्पादनको क्षेत्रमा उनले पुर्‍याएको योगदानको स्मरण गर्दै शीघ्र एवं पूर्ण स्वास्थ्य लाभको कामना गरिएको छ ।

त्यस्तै, जटिल उपचार प्रक्रियालाई मध्यनजर गर्दै न्यायपालिकामा कार्यरत सम्पूर्ण राष्ट्रसेवक कर्मचारीलाई स्वेच्छिक रूपमा यथासक्य आर्थिक सहयोग गर्न पनि अपिल गरिएको छ ।

सर्वोच्च अदालत प्रशासन स्रोतका अनुसार न्यायाधीश श्रेष्ठको उपचारमा अत्यधिक खर्च हुने अवस्था आएपछि बाध्य भएर सहयोग अपिलसहित सूचना जारी गरिएको हो ।

याे पनि – सर्वोच्चका न्यायाधीश तिलप्रसाद श्रेष्ठमाथि ‘साइबर बुलिङ’

• सहयोग संकलन रोक्न न्यायाधीश श्रेष्ठको अपील