प्रतिनिधि सभा : सरेको सरै, सरेको सरै…

काठमाडौँ । प्रतिनिधि सभाको बैठक आज पनि नबस्ने भएको छ ।

विशेष कारण देखाउँदै एक दिन सरेर असार १४ गते आइतबार बिहान ११ बजे बस्ने भएको छ ।

सङ्घीय संसद् सचिवालयले शुक्रबार जारी गरेको सूचना अनुसार, असार १३ गते शनिबार बिहान ११ बजे बस्ने गरी निर्धारित बैठक विशेष कारणले बस्न नसक्ने भएपछि सभामुखले प्रतिनिधि सभा नियमावली, २०८३ को नियम ६ को उपनियम (३) बमोजिम नयाँ मिति तोकिएको छ ।

यस अघि पनि शुक्रबार दिउँसो १ बजेलाई तय भएको बैठक सूचना जारी गरेर शनिबारलाई डाकिएको थियो । तर शुक्रबार दिउँसो आर्को सूचना निकाल्दै शनिबारबाट आइतबार पुर्‍याइएको हो ।

यसअघि पनि बिहिबारका लागि बोलाइएको बैठक पहिलो सूचनामार्फत शुक्रबारलाई तय भएको थियो ।

यसरी बारमबार बैठक सर्नुको कारण चितवनको भरतपुरमा जारी राष्ट्रिय स्वतन्त्र पार्टीको प्रथम महाधिवेशन लम्बिएनुसँग जोडिएको आंकलन गर्न सकिन्छ ।

हेर्नुहोस् सूचना-

यो पनि –

आज पनि बस्न सकेन प्रतिनिधिसभा, अर्को बैठक शनिबार