पतञ्जलि भ्रष्टाचार मुद्दामा साक्षी बुझ्ने आदेश

काठमाडाैं । पतञ्जलि योगपीठ तथा आयुर्वेद कम्पनी नेपालसँग जोडिएको जग्गा हिनामिना प्रकरणमा दायर भ्रष्टाचार मुद्दामा विशेष अदालतले साक्षी बुझ्ने आदेश दिएको छ ।

न्यायाधीशद्वय नारायणप्रसाद पौडेल र डिल्लीरत्न श्रेष्ठको संयुक्त इजलासले सोमबार उक्त आदेश जारी गर्दै मुद्दाको सुनुवाइ साक्षी बुझ्ने चरणमा प्रवेश गराएको हो ।

अख्तियार दुरुपयोग अनुसन्धान आयोगले पूर्वप्रधानमन्त्री तथा नेपाली कम्युनिस्ट पार्टी (नेकपा)का सहसंयोजक माधवकुमार नेपालसहित ९३ जनालाई प्रतिवादी बनाउँदै गत जेठ २२ गते विशेष अदालतमा मुद्दा दायर गरेको थियो । आयोगले पतञ्जलि सम्बन्धित जग्गा कारोबारमा अनियमितता भएको दाबी गरेको छ ।

मुद्दामा अख्तियारले माधवकुमार नेपालविरुद्ध १८ करोड ५८ लाख ५० हजार रुपैयाँ बराबरको बिगो, जरिवाना तथा सजायको मागदाबी गरेको छ ।