प्रधानन्यायाधीश सिफारिसविरुद्ध सर्वोच्चमा रिट

काठमाडौं । वरिष्ठताको परम्परा तोडेर चौथो वरीयताका न्यायाधीश डा. मनोजकुमार शर्मालाई प्रधानन्यायाधीशमा सिफारिस गरिएकोविरुद्ध सर्वोच्च अदालतमा रिट दायर भएको छ ।

वरिष्ठ अधिवक्ता दिनेश त्रिपाठी र अधिवक्ता पूर्ण केसीले शुक्रबार सर्वोच्च अदालतमा रिट पेश गर्दै उक्त सिफारिस संविधानको आधारभूत मर्म, न्यायिक स्वतन्त्रता र शक्तिपृथकीकरणको सिद्धान्तविपरीत रहेको दाबी गरेका छन् ।

रिटमा भनिएको छ ‘कार्यवाहक प्रधानन्यायाधीश सपना प्रधान मल्लसहित तीन जना वरिष्ठ न्यायाधीशहरूलाई पछि पार्दै चौथो नम्बरमा रहेका शर्मालाई सिफारिस गर्दा न्यायपालिकामा गम्भीर विकृति निम्तिने र वरिष्ठताको स्थापित अभ्यास ध्वस्त पारिने खतरा छ ।’

बिहीबार प्रधानमन्त्री बालेन्द्र शाहको अध्यक्षतामा बसेको संवैधानिक परिषद् बैठकले यो निर्णय गरेको थियो । नेपालको न्यायिक इतिहासमा वरिष्ठताको आधारमा प्रधानन्यायाधीश नियुक्ति हुँदै आएकोमा यो पटक यति ठूलो ‘वरियता जम्प’ पहिलो पटक भएको हो ।

यो पनि –

प्रधानन्यायाधीशमा मनाेज शर्माकाे नाम सिफारिस