दूरसञ्चार प्राधिकरणका पूर्वअध्यक्ष भूपेन्द्र भण्डारी पक्राउ

काठमाडौँ । स्मार्ट टेलिकमको उपकरण लिलामी घोटालामा सिआइबीले नेपाल दूरसञ्चार प्राधिकरणका पूर्वअध्यक्ष भूपेन्द्र भण्डारीलाई नियन्त्रणमा लिएको छ । बिहीबार बेलुकादेखि सिआइबीको हिरासतमा रहेका भण्डारीलाई शुक्रबार प्रहरीले आधिकारिक रूपमा पक्राउ परेको पुष्टि गरेको हो ।

स्मार्ट टेलिकमले करिब ३० अर्ब रुपैयाँ नवीकरण दस्तुर र रोयल्टी नतिरेपछि २०८० वैशाखमा प्राधिकरणले लाइसेन्स खारेज गरेको थियो । सरकारी स्वामित्वमा आएको उपकरण र सम्पत्ति भने भण्डारी अध्यक्ष रहँदा नेपाल इन्भेस्टमेन्ट मेगा बैंकमार्फत लिलामीमा लगेर एनसेललाई ४ अर्ब ६० करोडमा बिक्री गरिएको थियो । 

यसै प्रकरणमा यसअघि स्मार्ट टेलिकमका तत्कालीन अध्यक्ष सर्वेश जोशी र बैंकका सीईओ ज्योतिप्रकाश पाण्डेसहित केही व्यक्ति पक्राउ परिसकेका थिए ।

अनुसन्धान अधिकारीहरूका अनुसार भण्डारीको मौन समर्थन र संलग्नताका कारण सरकारी सम्पत्ति बेचिएको आरोप छ। उनले एनसेलमा फाइनान्स अफिसरको रूपमा काम गरेको विगत र प्राधिकरण अध्यक्ष हुँदाको निर्णय प्रक्रिया अहिले अनुसन्धानको केन्द्रमा छ ।

हेर्नुहोस् विज्ञप्ति –