रवि लामिछानेको मुद्दामा सुनुवाई जारी

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेको मुद्दा फिर्तासम्बन्धी विवादमा आज (सोमबार) पनि सर्वोच्च अदालतमा सुनुवाई भइरहेको छ । आइतबारदेखि यो मुद्दामा पूर्ण सुनुवाई शुरु भएको हो । सम्भवतः अदालतले आजै निर्णय सुनाउने दाबी कानूनविदहरुको छ ।

कास्की, रुपन्देही लगायतका विभिन्न अदालतमा रविविरुद्ध चलिरहेको संगठित अपराध र सम्पत्ति शुद्धीकरणको अभियोजन फिर्ता लिने महान्यायाधिवक्ता कार्यालयले गरेको निर्णयविरुद्ध परेको रिटमा आइतबारदेखि सर्वोच्चले निरन्तर सुनुवाई थालेको हो ।

बरिष्ठ अधिवक्ता दिनेश त्रिपाठी, अधिवक्ता युवराज पौडेल र अधिवक्ता आभास रेग्मी समेतले गत माघ ४ गते महान्यायाधिवक्ता कार्यालयको निर्णयविरुद्ध सर्वोच्च अदालतमा रिट दायर गरेका थिए ।

यो पनि–

रविमाथि कानूनी प्रश्न : सपथ खान पाउँछन् ?

जब रविको मुद्दामा सविता आफैं ‘न्यायाधीश’ बनिन्…