बालेन सरकारका महान्यायाधिवक्ता बने डा. नारायणदत्त कँडेल

काठमाडौँ । सरकारले डा. नारायणदत्त कँडेललाई महान्यायाधिवक्तामा नियुक्त गरेको छ । आइतबार प्रधानमन्त्रीकाे सिफारिसमा सरकारको प्रमुख कानूनी सल्लाहकारको जिम्मेवारी दिने निर्णय गरेको हो ।

नयाँ सरकार गठनसँगै कानुनी नेतृत्वको महत्वपूर्ण पदमा कँडेलको नियुक्ति भएको हो । महान्यायाधिवक्ता पदले सरकारको कानूनी दिशा निर्धारण गर्ने, नीति तथा निर्णयहरूलाई कानुनी आधार प्रदान गर्ने र राज्यका तर्फबाट अदालतमा हुने बहस–पैरवीको नेतृत्व गर्ने भूमिका निर्वाह गर्छ ।

महान्यायाधिवक्ताको कार्यालयले विशेषगरी फौजदारी मुद्दाहरूमा अभियोजन गर्ने सरकारी वकिलहरूको नेतृत्व, समन्वय तथा निर्देशन गर्ने जिम्मेवारी पनि वहन गर्छ । सरकार पक्षबाट दायर हुने सबै मुद्दामा बहस पैरवीको नेतृत्व यही कार्यालयमार्फत हुने कानूनी व्यवस्था छ ।

याे पनि- 

• अब हप्तामा दुई दिन बिदा : शनिबार र आइतबार सार्वजनिक तथा शैक्षिक संस्था बन्द
• ओली र रमेश लेखकको रिट न्यायाधीश शर्मा र पोखरेलको बेञ्चमा