बालेनको डेरामा चोरी गर्ने तीन जना पक्राउ, भदौ २४ मा नक्खु कारागारबाट फरार भएको तथ्य फेला

काठमाडौं । राष्ट्रिय स्वतन्त्र पार्टी ९रास्वपा०का वरिष्ठ नेता बालेन्द्र शाह ‘बालेन’काे महाराजगन्जको कोठामा चोरी गरेको आरोपमा प्रहरीले तीन जनालाई नियन्त्रणमा लिएको छ ।

पक्राउ पर्नेमा काठमाडौं बाँसवारीका ४२ वर्षीय मनीष राजवहाक, सिन्धुपाल्चोकका खिमबहादुर खड्का र धादिङका सञ्जय श्रेष्ठ रहेका छन् । काठमाडौं प्रहरी परिसरका एसपी पवन भट्टराईका अनुसार विशेष टोलीले उनीहरूलाई उपत्यकाका विभिन्न स्थानबाट पक्राउ गरेको हो ।

प्रहरी अनुसन्धान अनुसार केही दिनअघि चप्पल कारखान नजिक रहेको बालेनको डेरामा चोरी भएको थियो । पक्राउ परेका तीनै जना यसअघि पनि विभिन्न आपराधिक घटनामा संलग्न भइसकेका व्यक्तिहरू भएको तथा भदौ २४ मा भएको जेनजी प्रदर्शनका बेला नक्खु कारागारबाट फरार भएको तथ्य खुलेको प्रहरीले जनाएको छ ।