प्रधानन्यायाधीश छान्ने बैठक बिहीबार बस्दै

काठमाडौँ । सर्वोच्च अदालतको प्रधानन्यायाधीश नियुक्तिको प्रक्रिया औपचारिक रूपमा अघि बढेको छ। संवैधानिक परिषद्को बैठक बिहीबार बोलाइएको छ।

प्रधानमन्त्री तथा संवैधानिक परिषद्का अध्यक्षको निर्देशनअनुसार परिषद् सचिवालयले बिहीबार अपराह्न ५ बजे बैठक बोलाएको हो। बैठक प्रधानमन्त्री तथा मन्त्रिपरिषद्को कार्यालय, सिंहदरबारमा बस्नेछ।

बैठकको मुख्य कार्यसूची प्रधानन्यायाधीशको नियुक्ति सिफारिस रहेको छ।

बैठकमा सहभागी हुन सभामुख डोलप्रसाद अर्याल, राष्ट्रिय सभाका अध्यक्ष नारायण प्रसाद दाहाल, कानुन, न्याय तथा संसदीय मामिला मन्त्री सोविता गौतम, प्रतिनिधिसभाका विपक्षी दलका नेता भीष्मराज आङ्देम्बे र प्रतिनिधिसभाकी उपसभामुख रुवी कुमारीलाई आमन्त्रण गरिएको छ।

यो बैठकपछि संवैधानिक परिषद्ले प्रधानन्यायाधीश पदका लागि सिफारिस गरेर राष्ट्रपतिसमक्ष पठाउने छ।

यो पनि-

प्रधानन्यायाधीशको नियुक्ति : सपना प्रधानको विकल्प खोज्न मिल्छ ?

सर्वोच्चको अस्थिरता सकिँदै : आगामी १० वर्षसम्म तीनजना प्रधानन्यायाधीश बन्ने