तोकिएन संवैधानिक इजलास, तीन न्यायाधीश अनुपस्थित

जस नेपाल

६ जेठ २०८३

काठमाडौँ । सर्वोच्च अदालतमा बुधबार र शुक्रबार हप्ताको दुईचोटि संवैधानिक इजलास बस्दै आएकोमा आज संवैधानिक इजलास नतोकी दैनिक पेसी सूची सार्वजनिक गरिएको छ ।

नवनियुक्त प्रधानन्यायाधीश डा. मनोज कुमार शर्माले न्यायाधीश श्रीकान्त पौडेलसँग पूर्ण इजलासमा बेञ्च सेयर गरेका छन् । यो इजलासमा ३८ वटा मुद्दाहरु सूचीमा चढाइएको छ ।

बुधबारको दैनिक पेशी सूचीमा तीनजना न्यायाधीश भने अनुपस्थित देखिएका छन् ।

इजलासमा अनुपस्थित देखिएका तीन न्यायाधीशहरुमा सपना प्रधान मल्ल, डा. नहकुल सुवेदी र न्यायायधीश तिलप्रसाद श्रेष्ठ रहेका छन् ।

मंगलबार देशको ३३ औं प्रधानन्यायाधीश बनेपछि आज पहिलो दिन डा. मनोज कुमार शर्माको नेतृत्वमा दैनिक पेशी सूची सार्वजनिक भई इजलास बसेको हो ।

डा. नहकुल सुवेदी म‌ंगलबार साँझ प्रधान न्यायाधीश शर्माको स्वागतमा अदालतमा सहभागी थिए ।

त्यसैगरी न्यायाधीश सपना प्रधान मल्ल भने विदामा बसेकी छन् ।

बुधबार इजलास नताेकिएका न्यायाधीश तिलप्रसाद शर्मा पनि यसअघि प्रधानन्यायाधीशको सूचीमा परेर चर्चामा आएका न्यायाधीश हुन् ।

यो पनि-