मधेस प्रदेशका पूर्वप्रमुख राजेश अहिराज जबरजस्ती करणीमा दोषी ठहर

काठमाडौँ । मधेस प्रदेशका पूर्वप्रमुख राजेश झा अहिराज जबरजस्ती करणी मुद्दामा दोषी ठहर भएका छन् ।

काठमाडौँ जिल्ला अदालतका न्यायाधीश चन्द्रकान्त पौडेलको एकल इजलासले मंगलबार झालाई कसुरदार ठहर गरेको हो ।

जबरजस्ती करणी अभियोगमा पक्राउ परेका झाले पीडित महिला (२६ परिसर) विरुद्ध आपराधिक लाभसम्बन्धी दायर गरेको मुद्दामा भने जिल्ला अदालतले अभियोग दाबी नपुग्ने भनेको छ ।

गत वर्ष साउनमा एक नाबालिक किशाेरीले आफूमाथि बलात्कार भएको भन्दै झाविरुद्ध प्रहरीमा जाहेरी दिएकी थिइन् ।

कसुरदार ठहर भएका झालाई कति सजाय निर्धारणका लागि बिहीबार पेशी  ताेकिएकाे छ ।

अभियुक्त झा मधेस प्रदेशका पूर्वप्रमुख एवं कानून व्यवसायीसमेत हुन् ।

पीडितकाे पक्षबाट अधिवक्ता खेमप्रसाद अधिकारी र प्रतिवादीका तर्फबाट नेपाल बारका एशाेसिएसनका अध्यक्ष विजयप्रसाद मिश्रसहित १२ जना कानून व्यवसायीले बहस गरेका थिए ।

आदेश पनि हेर्नुहाेस् :