५ लाख घुससहित सिरहाका कर अधिकृत पक्राउ

काठमाडौं । आन्तरिक राजस्व कार्यालय लहान, सिरहाका कर अधिकृत युवराज पाल ५ लाख रुपैयाँ घुस लिँदै गरेको अवस्थामा पक्राउ परेका छन् । उनलाई अख्तियार दुरुपयोग अनुसन्धान आयोगको बर्दिबास कार्यालयबाट खटिएको टोलीले कार्यालय परिसरमै रंगेहात पक्राउ गरेको हो ।

अख्तियारका अनुसार सिरहा सुपर मार्केट प्रालिको आर्थिक वर्ष २०७८/७९ को पूर्ण कर परीक्षण (फूल अडिट) का क्रममा घुस मागिएको उजुरीपछि निगरानी गरिएको थियो । घुस बुझ्ने क्रममा पक्राउ परेका पालमाथि थप अनुसन्धान भइरहेको अख्तियार बर्दिबासका कार्यालय प्रमुख रामबहादुर कुरुम्वाङले जानकारी दिए