समानुपातिक सांसदले पाए प्रमाणपत्र

काठमाडौँ । निर्वाचन आयोगले समानुपातिकतर्फका ११० जना सांसदहरुलाई प्रमाणपत्र वितरण गरेको छ ।

निर्वाचन आयोगको परिसरमा विहीबार आयोगका पदाधिकारीहरुले माला र खादासहित प्रतिनिधिसभा सदस्यहरुलाई प्रमाणपत्र प्रदान गरेका हुन् ।

यससँगै चुनावको अन्तिम नतिजा आएको छ । अब आयोगले निर्वाचन परिणामको प्रतिवेदन राष्ट्रपति र संसद सचिवालयमा पठाउनेछ ।

आयोगको प्रतिवेदन प्राप्त भएपछि संसद सचिवालयले चैत १५ भित्र २७५ सांसदको सपथ ग्रहण गराउने तयारी गरेको छ ।

उता राष्ट्रपतिले आयोगको प्रतिवेदन प्राप्त भएपछि सरकार गठनको प्रक्रिया अघि बढाउने छन् ।

यो पनि-

संसद्‌ सचिवालयले डाक्यो सर्वदलीय बैठक