सर्वोच्चमा कांग्रेसको मुद्दा : न्यायाधीश पोखरेलको एकल बेञ्चमा सुनुवाई हुँदै

काठमाडौँ । नेपाली कांग्रेसको आधिकारिकतासम्बन्धी विवादबारे सर्वोेच्च अदालतमा प्रारम्भिक सुनुवाई शुरु भएको छ ।

न्यायाधीश सुनील कुमार पोखरेलको एकल इजलासमा भइरहेको सुनुवाईपछि अन्तरिम आदेश जारी हुने–नहुनेबारे निर्णय आउने छ ।

गत पुस २७ देखि ३० गतेसम्म विशेष महाधिवेशन गरेर गगन थापा पार्टी सभापति बनेपछि त्यसमा आपत्ति जनाउँदै तत्कालीन सभापति शेरबहादुर देउवाका तर्फबाट आइतबार सर्वोच्च अदालतमा रिट(ण्डद्द(082-WO-0773  ) परेको हो ।

गगन थापा, विश्वप्रकाश शर्मा र निर्वाचन आयोगलाई समेत विपक्षी बनाइएको रिटमाथि सोमबार सार्वजनिक विदा परेकाले सुनुवाई हुन नसकेपछि आज (मंगलबार) सुनुवाई भएको हो ।

रिट निवेदकका तर्फबाट शेरबहादुर देउवाले गगन थापालाई आधिकारिकता दिने निर्वाचन आयोगको निर्णय उत्प्रेषणको आदेशबाट बदर गर्न माग गरेका छन् । साथै गगन थापा समूहलाई आयोगले दिएको आधिकारिकता तत्कालका लागि स्थगन गर्नसमेत देउवा पक्षको माग छ ।

अदालतले गगन थापा पक्षविरुद्ध अन्तरिम आदेश जारी गरेन भने आजै हुने प्रतिनिधिसभा सदस्यको मनोनयन दर्तामा गगन थापाको हस्ताक्षरले मान्यता पाउने छ । अदालतले निर्वाचन आयोगको निर्णयलाई सथास्थितिमा राख्न आदेश दिएमा देउवा पक्षले टिकट बाँड्न पाउने छ ।

यो पनि-

सर्वोच्चको ढोकामा पुगेको कांग्रेसको विवाद, अबको प्रकिया के हो ?