आयोगको प्रतिवेदनमा उल्लेखित ‘पश्चादर्शी प्रभाव’ विषयमा विचार गोष्ठी आयोजना हुने

काठमाडौँ । उच्च अदालत बार एशोसिएसन पाटन अन्तर्गत मानव अधिकार तथा जनसरोकार समितिले ‘भाद्र २३ र २४ गतेको घटनासम्बन्धमा मानव अधिकार आयोगको प्रतिवेदनमा उल्लेखित पश्चादर्शी प्रभाव’ विषयमा विचार गोष्ठी आयोजना गर्ने भएको छ ।

कार्यक्रममा नेपाल बारका अध्यक्ष प्राध्यापक डा. तथा वरिष्ठ अधिवक्ता विजयप्रसाद मिश्र प्रमुख अतिथिका रूपमा सहभागी हुनेछन् । गोष्ठीमा वरिष्ठ अधिवक्ता तथा नेपाल बारका पूर्व उपाध्यक्ष टिकाराम भट्टराईले विषयसम्बन्धी कार्यपत्र प्रस्तुत गर्ने कार्यक्रम रहेको छ ।

त्यसैगरी कार्यक्रममा विषयवस्तुमाथि वरिष्ठ अधिवक्ता तथा नेपाल बार एसोसिएसनका पूर्व अध्यक्ष राधेश्याम अधिकारी, वरिष्ठ अधिवक्ता तथा संविधानसभा सदस्य राम नारायण विडारी तथा युवा कानुन व्यवसायी अधिवक्ता कैलाश तामाङले टिप्पणी प्रस्तुत गर्नेछन् ।

मानव अधिकार, कानुनी व्याख्या तथा सार्वजनिक सरोकारसँग सम्बन्धित उक्त विषयमा केन्द्रित गोष्ठी २०८३ साल असार ५ गते शुक्रबार दिनको १ बजे नेपाल बार एसोसिएसनको सभाहल, रामशाहपथ, काठमाडौँमा आयोजना गरिने आयोजकले जनाएको छ ।

उक्त कार्यक्रम मानव अधिकार तथा जनसरोकार समिति, उच्च अदालत बार एशोसिएसन पाटनद्वारा आयोजना गरिएको हो ।