सर्वोच्चमा रमेश लेखक पक्राउ विरुद्धको प्रत्यक्षीकरण रिट पनि दर्ता, सोमबार नै सुनुवाइ हुने

काठमाडौं । रमेश लेखकको रिहाइको माग गर्दै सर्वोच्च अदालतमा बन्दी प्रत्यक्षीकरण रिट दर्ता गरिएको छ। गैरकानुनी रूपमा पक्राउ गरी थुनामा राखिएको दाबी गर्दै उनको पक्षबाट रिट दायर गरिएको हो ।

यसैबीच, केपी शर्मा ओली लाई पनि हिरासतबाट मुक्त गर्न माग गर्दै उनकी पत्नी राधिका शाक्य ले छुट्टै रिट सर्वोच्चमा दायर गरेकी छन् । दुवै रिटमाथि सोमबार सुनुवाइ हुने जनाइएको छ।

भदौ २३ र २४ गते भएको ‘जेनजी आन्दोलन’ क्रममा भएको दमनका घटनामा संलग्न रहेको निष्कर्षसहित जाँचबुझ आयोगले उनीहरूमाथि मुद्दा चलाउन सिफारिस गरेको थियो। सोही प्रतिवेदनलाई आधार मानेर वर्तमान सरकारले शनिबार पूर्वप्रधानमन्त्री ओली र पूर्वगृहमन्त्री लेखकलाई पक्राउ गरेको हो ।

पक्राउपछि दुवैलाई आइतबार अदालतमा उपस्थित गराइएको थियो। लेखकलाई काठमाडौं जिल्ला अदालतमा प्रत्यक्ष उपस्थित गराइएको थियो भने उपचाररत रहेका ओलीलाई भर्चुअल माध्यमबाट अदालतमा पेश गरिएको थियो ।

उता, सरकारी वकिलको कार्यालयले प्रारम्भिक अनुसन्धानका लागि उनीहरूलाई १० दिनसम्म हिरासतमा राख्न अनुमति माग गरेको छ ।

याे पनि –

• ओली पक्राउ विरुद्धको प्रत्यक्षीकरण रिट दर्ता, सोमबार सुनुवाइ हुने