सरकारका सबै सेवा अपाङ्गमैत्री बनाउने घोषणा

काठमाडौँ । अर्थमन्त्री डा. स्वर्णिम वाग्लेले सरकारका सबै सेवा अपाङ्गमैत्री बनाउने घोषणा गरेका छन्‌ ।

आज (शुक्रबार) आगामी आर्थिक वर्ष २०८३/८४ को बजेट वक्तव्य वाचन गर्दै अर्थमन्त्री डा. वाग्लेले सरकारी कार्यालयले निर्माण गर्ने भौतिक संरचना, डिजिटल प्रविधि, वेभसाइट र सफ्टवेयरहरू सबै किसिमका अपाङ्गता भएका व्यक्तिहरूले प्रयोग गर्न मिल्ने ढाँचामा विकास गर्दै लैजाने बताएका हुन् ।

सबै प्रदेशमा अपाङ्ग पुनःस्थापना केन्द्र स्थापना गर्दै जाने र अटिजम भएका बालबालिकालाई लक्षित गरी पूर्वाधारयुक्त आवासीय नमूना विद्यालय सञ्चालन गर्ने पनि बजेट वक्तव्यमा लेखिएको छ ।